Krasnodar (1920 yilgacha Yekaterinodar) — Rossiya Federatsiyasidagi shahar, Krasnodar oʻlkasi markazi. Kuban daryosi sohilida. Krasnodar va shosse yoʻllar tuguni. Aholisi 647,4 ming kishi (1998). K.ga 1793 yil kazaqlar tomonidan qarbiy lager (soʻng qalʼa) sifatida asos solingan. K. — yirik sanoat va madaniyat markazi. Mashinasozlik (stanoklar, radio va elektr oʻlchov priborlari, kompressorlar, qishloq xoʻjaligi mashivalari), neftni qayta ishlash, kimyo, yengil (ip gazlama, kamvol-movut kombinatlari, koʻn zavodlari va boshqalar), oziq-ovqat, yogʻochsozlik sanoati korxonalari, chinnifayans zavodi bor. Vitamin va biokimyoviy preparatlar ishlab chiqariladi. 6 oliy oʻquv yurti (jumladan, Kuban universiteti), 3 teatr, tarix-arxeologiya, badiiy muzeylar mavjud.